අස්වැසුම ප්‍රතිලාභීන් සඳහා පසුගිය සැප්තැම්බර් මාසයට අදාළ මුදල් වාරිකය අද (23) සිට ලබා ගැනීමට හැකියාව පවතී.
මුදල් රාජ්‍ය අමාත්‍ය ශෙහාන් සේමසිංහ පැවසුවේ එම ප්‍රතිලාභ ගෙවීම සඳහා රුපියල් මිලියන 8,571ක මුදලක් බැංකු වෙත ලබා දී ඇති බවයි.
මෙම වාරිකය ප්‍රතිලාභී පවුල් 1,377,000ක් වෙනුවෙන් ලබාදීමට නියමිතයි.
එමෙන්ම අභියාචනා සහ විරෝධතා සමාලෝචනය අවසන් වූ පසු තෝරාගත් පුද්ගලයින්ට ජූලි මාසයේ සිට බලපැවැත්වෙන පරිදි ප්‍රතිලාභ ගෙවන බවයි රාජ්‍ය අමාත්‍යවරයා අවධාරණය කළේ.