ඉන්දියාවේ සිට මෙරටට මුහුදු මාර්ගයෙන් ගෙනවිත් නිවසක සඟවා තිබූ බීඩිකොළ කිලෝග්‍රෑම් 1200ක් කල්පිටිය පොලීසිය විසින් අත්අඩංගුවට ගෙන තිබෙනවා.
ඊයේ (22) කල්පිටිය – ඒත්තාලේ ප්‍රදේශයේදීයි මෙම වැටලීම සිදු කර ඇත්තේ.
ඉන්දියාවේ සිට මෙරටට ගෙන එන ලද බීඩිකොළ තොගයක් කල්පිටිය – ඒත්තාලේ ප්‍රදේශයේ නිවසක සඟවා තිබෙන බවට ලැබුණු තොරතුක් අනුව වැටලීම සිදුකර තිබෙනවා.
මෙම බීඩිකොළ තොගය පොලිතින් උර 40ක අසුරා තිබී සොයා ගැනුණා.
සැකකරුවන් කල්පිටිය – ඒත්තාලේ, එරඹුගොඩැල්ල පදිංචිකරුවන් දෙදෙනෙකු බවයි පොලීසිය පවසන්නේ.
සැකකරුවන් දෙදෙනා සහ බීඩිකොළ තොගය පුත්තලම මහේස්ත්‍රාත්වරයා හමුවට ඉදිරිපත් කිරීමට නියමිතයි.