ලබන වසරේ පෙබරවාරි 04 වැනිදාට පෙර ග්‍රාම නිලධාරීන් 2,238ක් රාජ්‍ය සේවයට එක් කර ගන්නා බව ස්වදේශ කටයුතු රාජ්‍ය අමාත්‍ය අශෝක ප්‍රියන්ත පැවසීය.
රාජ්‍ය අමාත්‍යවරයා මේ බව ප්‍රකාශ කළේ අද (27) පාර්ලිමේන්තුවේදී අදහස් දක්වමිනි.
එහිදී ඔහු වැඩිදුරටත් සඳහන් කළේ 2021 වසරේ ග්‍රාම නිලධාරී විභාගය සඳහා අයදුම්පත් යොමු කළ සුදුසුකම්ලත් විභාග අපේක්ෂකයන් සඳහා දෙසැම්බර් 02 වැනිදා විභාග පැවැත්වීමට විභාග දෙපාර්තමේන්තුව තීරණය කර ඇති බවයි.