බලපත්‍රලාභී වාණිජ බැංකු සහ බලපත්‍රලාභී විශේෂිත බැංකු සඳහා බලපවත්නා වාර්ෂික බලපත්‍ර ගාස්තු සංශෝධනයට ශ්‍රී ලංකා මහ බැංකුව පියවර ගෙන තිබෙනවා.
ශ්‍රී ලංකා මහ බැංකුව සඳහන් කරන්නේ අදාළ ගාස්තු අදාළ වර්ෂයේ ජනවාරි 31 දින හෝ ඊට පෙර ගෙවිය යුතු බවයි.
ඒ අනුව රුපියල් බිලියන 25කට වඩා අඩු වත්කම් පදනමක් ඇති කුඩා පරිමාණයේ බලපත්‍රලාභී බැංකු සඳහා 2023 වසර වෙනුවෙන් රුපියල් මිලියන 3.3 ක බලපත්‍ර ගාස්තුවක් අය කරනු ලැබූ අතර එය 2024 සහ 2025 වසර සඳහා එක් වර්ෂයකට රුපියල් මිලියන 3.5 ක් බැගින් ඉහළ නංවා තිබෙනවා.
රුපියල් බිලියන 2,000 ක් ඉක්මවූ විශාල පරිමාණයේ වත්කම් පදනමක් සහිත බැංකු සඳහා රුපියල් මිලියන 38 ක් වූ වාර්ෂික බලපත්‍ර ගාස්තුව රුපියල් මිලියන 40 ක් දක්වා ඉහළ නංවා තිබේ.
