රොෂාන් රණසිංහ අමාත්‍ය ධුරයෙන් ඉවත් කිරීම හරි ද වැරදි ද යන්න තීරණය වන්නේ විවිධ පුද්ගලයන්ගේ සිතුම් පැතුම් අනුව බව හිටපු ජනාධිපති මහින්ද රාජපක්ෂ පවසනවා.
පුද්ගලයන් අමාත්‍ය ධුරයන්ට පත්කිරීම සහ ඉවත් කිරීම සාමාන්‍ය සිදුවීමක් බවද හිටපු ජනාධිපතිවරයා සඳහන් කර සිටියා.
හිටපු ජනාධිපතිවරයා මේ බව සඳහන් කළේ අද (29) දින අනුරාධපුර ඓතිහාසික ජය ශ්‍රී මහා බෝධීන් වහන්සේ වැඳපුදා ගැනීමෙන් අනතුරුව මාධ්‍ය වෙත අදහස් දක්වමින්.
හිටපු ජනාධිපතිවරයා අටමස්ථානාධිපති පූජ්‍ය පල්ලේගම හේමරතන නායක හිමියන් බැහැ දැක ආශිර්වාද ලබාගැනීමෙන් අනතුරුව ජය ශ්‍රී මහා බෝධීන් වහන්සේ වැඳපුදා ගත්තා.