ශ්‍රී ලංකා විදේශ සේවා නියුක්ති කාර්යාංශයේ වලංගු බලපත්‍රයක් නොමැතිව එක්සත් අරාබි එමීර් රාජ්‍යයයේ රැකියා ලබාදෙන බව පවසා රුපියල් ලක්ෂ 20ට ආසන්න මුදලක් වංචා කළ පුද්ගලයෙකු කාර්යාංශයේ විශේෂ විමර්ශන අංශයේ නිළධාරීන් විසින් අත්අඩංගුවට ගෙන තිබේ.
බිබිල ප්‍රදේශයේ පදිංචි පුද්ගලයෙකු විසින් කාර්යංශයට පැමිණිලි කර ඇත්තේ එක්සත් අරාබි එමීර් රාජ්‍යයයේ රැකියා ලබාදෙන බව පවසා තරුණයින් පස් දෙනෙකුගෙන් රුපියල් 1, 993,000.00 ක මුදලක් ලබාගෙන, පොරොන්දු වූ පරිදි රැකියාව ලබා නොදුන් බවටයි.
මොහුට විරුද්ධව කාර්යාංශයට තවත් පැමිණිලි 5 ක් ලැබී ඇති අතර ඒ අනුව එම පැමිණිලි විභාග කිරීම සඳහා අදාළ පුද්ගලයා කාර්යාංශයට කැඳවූ අවස්ථාවේදීයි අත්අඩංගුවට ගෙන ඇත්තේ.