තම ලෙයින් උපන් නිවුන් දරුවන් දෙදෙනා මුදලට අලෙවි කළ කාන්තාවක් සහ තවත් කාන්තාවන් දෙදෙනෙකු රාගම පොලිසිය විසින් අද (07) අත්අඅඩංගුවට ගෙන තිබෙනවා.
මෙලෙස අත්අඅඩංගුවට ගෙන ඇත්තේ ඉපදී දින හතක් ගිය නිවුන් දරුවන් දෙදෙනෙකු මුදලට අලෙවි කළ පිළියන්දල ප්‍රදේශයේ තරුණ මවක් සහ රුපියල් 25000 බැගින් මුදල් ලබා දී එම දරුවන් මිලදී ගෙන තිබූ කාන්තාවන් දෙදෙනෙකි.
පොලීසිය පැවසුවේ නිවුන් දරුවන්ගේ තරුණ මව සහ එක් දරුවෙක් මිලදී ගත් කාන්තාවක් රාගම ප්‍රදේශයේදීත්, අනෙක් දරුවා මිලදී ගත් කාන්තාව කැළණිය ප්‍රදේශයේදීත් අත්අඩංගුවට ගත් බවයි.
රාගම ප්‍රදේශයේ නිවෙසක මෙහෙකාර සේවයේ යෙදී සිටි අදාළ මව මීට සතියකට ඉහත කොළඹ කාසල් මාතෘ රෝහලේදී මෙම නිවුන් දරුවන් ප්‍රසූත කර තිබෙනවා.