උත්සව සමයේදී ප්රමිතියෙන් තොර පොල්තෙල් වෙළෙඳපොළට නිකුත් කළහොත් ඊට එරෙහිව දැඩි පියවර ගන්නා බව කෘෂිකර්ම අමාත්ය මහින්ද අමරවීර පැවසීය.
පාර්ලිමේන්තුවේදී ගයන්ත කරුණාතිලක මන්ත්රීවරයා යොමුකළ වාචික ප්රශ්නයකට පිළිතුරු දෙමින් කෘෂිකර්ම අමාත්යවරයා මේ බව සඳහන් කළේය.
එහිදී අමාත්යවරයා පෙන්වා දුන්නේ කුඩා පරිමාණ මෝල්හිමියන් විසින් නිෂ්පාදන කර වෙළෙඳපොළට නිකුත් කරන පොල් තෙල්වල ප්රමිතිය සම්බන්ධ ගැටලු පවතින බවයි.
එම නිසා එම නිෂ්පාදන ප්රමිතිගත කිරීම සඳහා වැඩපිළිවෙලක් සකස් කරන අතරතුර මේ පිළිබඳ පාරිභෝගික ජනතාවද දැනුවත් කරන බවයි අමාත්යවරයා කියා සිටියේ.