2024 ජනවාරි මාසයේ සිට එකතු කළ අගය මත බද්ද (VAT) ක්‍රියාත්මක කරන භාණ්ඩ ලැයිස්තුව සංශෝධනය කිරීමට රජය සූදානම් බව මුදල් රාජ්‍ය අමාත්‍ය රංජිත් සියඹලාපිටිය පැවසීය.
ඊයේ පාර්ලිමේන්තුව අමතමින් ඔහු කියා සිටියේ භාණ්ඩ 138 න් 97 ක් සමාලෝචනය කිරීමට රජය සූදානම් බවයි.
වැට් බද්දෙන් නිදහස් කර ඇති භාණ්ඩ ලැයිස්තුව සංශෝධනය කිරීමෙන් රජය රුපියල් බිලියන 378ක ආදායමක් උපයා ගැනීමට අපේක්ෂා කරන බවයි ඔහු සඳහන් කළේ.
රජය 2024 ජනවාරි 01 වැනිදා සිට වැට් බද්ද සියයට 3 සිට සියයට 18 දක්වා වැඩි කර ඇත.