ශ්‍රී ලංකා නාවික හමුදා සෙබළුන් 1,877 දෙනෙකුට උසස්වීම් ප්‍රදානය කර තිබෙනවා.
පසුගියදා (09) පැවති ශ්‍රී ලංකා නාවික හමුදාවේ 73 වන සංවත්සරයට සමගාමීවයි මොවුන්ගේ නිලයන් උසස් කර ඇත්තේ.
ඒ අනුව නාවික හමුදාධිපති වයිස් අද්මිරාල් ප්‍රියන්ත පෙරේරාගේ නිර්දේශය මත මොවුන් 09 වැනිදා සිට බලපැවැත්වෙන පරිදී මීළඟ නිලයට උසස් කර තිබෙනවා.
ඒ අනුව සාමාන්‍ය නැවි තරාතිරම දක්වා නාවිකයන් 489ක්ද, බල නැවි තරාතිරම දක්වා නාවිකයන් 264ක්ද, නායක නැවි තරාතිරම දක්වා නාවිකයන් 625ක් සහ ප්‍රධාන සුළු නිලධාරී තරාතිරම දක්වා නාවිකයන් 499ක් වශයෙන් උසස් කර තිබෙනවා.