විහාරාධිපති හිමියන් පාංශුකූලයට වැඩම කළ අවස්ථාවක විහාරස්ථානයේ ආවාස ගෙට ඇතුළු වී එහි තිබූ රුපියල් පනස් තුන්දහසක මුදලක් සොරාගෙන යාමේ පුවතක් බේරුවල ප්රදේශයෙන් වාර්තා වනවා.
අදාළ විහාරස්ථානයේ හිමියන් විසින් මේ සම්බන්ධයෙන් බේරුවල පොලිසියට පැමිණිල්ලක් ද සිදුකර තිබෙනවා.
විහාරාධිපති හිමියන් වැඩ විසූ කුටියේ පිටුපස දොර කඩා ඊට ඇතුළු වී අල්මාරියේ තිබු මුදල් මෙලෙස සොරාගෙන ගොස් ඇති බවයි පැමිණිල්ලේ සඳහන් වන්නේ.
මෙම සිද්ධිය සම්බන්ධයෙන් බේරුවල පොලිස් ස්ථානයේ අපරාධ අංශ නිලධාරීන් පරීක්ෂණ පවත්වනු ලබනවා.