ශ්‍රී ලංකා ක්‍රිකට් ආයතනයේ කටයුතු මෙහෙයවීම සඳහා අතුරු පාලක කමිටුවක් පත් කරමින් හිටපු ක්‍රීඩා අමාත්‍ය රොෂාන් රණසිංහ විසින් නිකුත් කළ ගැසට් නිවේදනය ක්‍රියාත්මක නොකරන බව ක්‍රීඩා අමාත්‍ය හරීන් ප්‍රනාන්දු අද අභියාචනධිකරණයට දැනුම් දුන්නා.
ඒ අනුව ක්‍රිකට් අතුරු පාලක කමිටුවට එරෙහිව ශ්‍රී ලංකා ක්‍රිකට් ආයතනයේ සභාපති ෂම්මි සිල්වා ඉදිරිපත් කළ පෙත්සම කැදවූ අවස්ථාවේදී මෙම දැනුම්දීම සිදුකර තිබෙනවා.
අදාළ පෙත්සම තවදුරටත් පවත්වාගෙන යන්නේද නැද්ද දැනුම් දීම සඳහා ලබන 15 වැනිදා කැඳවන ලෙසත් නියෝග කර තිබේ.