නැදුන්ගමුවේ රාජාගේ සිරුර සංරක්ෂණය කිරීමේ කටයුතු මේ වනවිට ජාතික කෞතුකාගාර දෙපාර්තමේන්තුව ආරම්භ කර තිබෙනවා.
ආසියාවේ උසම හස්තියා වූ නැදුන්ගමුවේ රාජාගේ මරණයේ සිට දින 14ක කාලයක් තුළ චර්මය ඉවත් කිරීම ජාතික කෞතුකාගාර දෙපාර්තමේන්තුවේ ස්වාභාවික ජෛව සත්ත්ව අස්ථි විද්‍යා අංශයේ චර්ම විශේෂඥයින් කණ්ඩායමක් විසින් වැලිවේරිය ප්‍රදේශයේදී සිදුකරනු ලැබීය.
සත්ව සිරුරු සංරක්ෂණයේදී අනුගමනය කරන ජාත්‍යන්තර ප්‍රමිතීන්වලට අනුව නැදුන්ගමුවේ රාජාගේ චර්මය සහ දළ යුගලය ඉවත් කිරීමට මෙම කණ්ඩායමට හැකි වූ අතර ඒ අනුව හස්තියාගේ චර්මය පිටතට ගනු ලබන්නේ අවසානම අවස්ථාවේදීය.
ලබන වසරේ ජූනි මාසයට පෙර නැදුන්ගමුවේ රාජාගේ සංරක්ෂණ කටයුතු අවසන් කිරීම මෙම සංරක්ෂකයින්ගේ අරමුණ වී තිබෙනවා.