ත්‍රිකුණාමලය, නිලාවේලි පරෙවි දූපත ජාතික උද්‍යානය තාවකාලිකව වසා දමා තිබෙනවා.
වනජීවි සංරක්ෂණ දෙපාර්තමේන්තුව පවසන්නේ ඊසාන මෝසම් වර්ෂාව ආරම්භ වීමත් සමග මුහුදේ වාරකන් සමය එලඹීම නිසා දූපත වසා දැමූ බවයි.
දූපත නැරඹීමට බෝට්ටු මගින් පැමිණෙන සංචාරකයන්ගේ ආරක්ෂාව සැලකිල්ලට ගෙන මෙම පියවර ගෙන තිබෙනවා.
මුහුදේ මෙම රළු ස්වභාවය බොහෝවිට ලබන වසරේ පෙබරවාරි අවසන් වන තෙක් පවතින බවත් ඒ අතරවාරයේ ඇතැම් දිනවල මුහුද සාමාන්‍ය ස්වභාවයක් ගන්නා දිනවල දූපතට නැරඹීමට සංචාරකයන්ට ඉඩදිය හැකි බවත් වනජීවි සංරක්ෂණ දෙපාර්තමේන්තුව පවසයි.
එම දිනය කවදාදැයි තීරණය කළ නොහැකි බවත් ඔවුන් වැඩිදුරටත් පවසනවා.