මොරගහකන්ද ජලාශයේ වාන් දොරටු දෙකක් විවර කර තිබෙනවා.
මොරගහකන්ද සහ කළුගඟ ජලාශ කාර්යභාර ඉංජිනේරු පී.එස්. බණ්ඩාර පැවසුවේ ඉහළ ජල පෝෂක ප්‍රදේශවලට ඇදහැලෙන ධාරානිපාත වර්ෂාව හේතුවෙන් මොරගහකන්ද ජලාශයේ ජල මට්ටම ඉහළ ගොස් ඇති බවයි.
ඒ අනුව අද (20) මොරගහකන්ද ජලාශයෙඋ වාන්දොරටු පහෙන් වාන් දොරටු දෙකක්, අඩි හතර හමාර බැගින් විවෘත කර තිබෙනවා.
ඒ අනුව වාන් දොරටු දෙකෙන් තත්පරයට ගණ අඩි 4000 ක ජල කඳක් අඹන්ගඟට මුදා හැරෙයි.
මොරගහකන්ද ජලාශයේ අක්කර එක් ලක්ෂ හැටදාහක විහිදුණු ජල ධාරා ප්‍රදේශයක් පිහිටා තිබෙන අතර දළ වශයෙන් වර්ග කිලෝමීටර් තිහකට ආසන්න භූමියක පැතිර ඇති ජලාශය, ජලය අඩි අක්කර අඩි ලක්ෂ හතර හමාරක ආසන්න ප්‍රමාණයක් ගබඩා කරගැනීමට හැකියාව පවතින බවයි ඉංජිනේරුවරයා කියා සිටියේ.