වවුනියාවේ පාවක්කුලම ජලාශයේ වැව් බැම්මෙන් ඇද වැටී ඊයේ (21) තරුණියක් ජීවිතක්ෂයට පත්ව තිබෙනවා.
මෙලෙස ජලාශයට ඇද වැටී ඇත්තේ වාන් දමන ආකාරය නැරඹීමට පැමිණි තරුණියක් බවයි පොලීසිය පවසන්නේ.
එම තරුණිය කවුරුන්දැයි මෙතෙක් අනාවරණය වී නොමැති බවත් මියගිය තරුණියගේ ඥාතියෙකු පැමිණ ඇයව හදුනාගන්නා තුරු ඇය සම්බන්ධයෙන් පශ්චාත් මරණ පරීක්ෂණය පැවැත්වීම කල් දමා ඇති බව පොලීසිය පවසයි.
වයස අවුරුදු 18 ක් පමණ වන මෙම තරුණිය වැව් බැම්මෙන් පහලට ඇද වැටී වැවේ ගිලෙමින් සිටියදී අවට සිටි කිහිපදෙනෙකු ඇයව ගොඩට ගෙන වවුනියාව මහ රෝහලට ඇතුළත් කර තිබෙනවා.