බොරලැස්ගමුව, දෙහිවල පාරේ සමූපකාර මාවතේ නවාතැන්පොළකට කාන්තාවක් සමඟ පැමිණි පුද්ගලයෙකු හදිසියේ ජීවිතක්ෂයට පත්ව ඇති බව බොරලැස්ගමුව පොලිසිය පවසනවා.
මෙම පුද්ගලයා සමඟ නවාතැන්පොළට පැමිණි කාන්තාව හොර රහසේ පලා ගොස් ඇති අතර මෙලෙස මිය ගොස් ඇත්තේ බොරලැස්ගමුව, වේරහැර බෝධිරාජා පුර ප්‍රදේශයේ පදිංචිව සිටි 55 හැවිරිදි පුද්ගලයෙක් බවයි පොලීසිය පවසන්නේ.
මියගිය පුද්ගලයා පලා ගිය කාන්තාව සමඟ පෙරේදා (25) දහවල් ලැගුම්හලට පැමිණ ඇති අතර පැය කීපයක් ගත වූ පසූ කාන්තාව කෑ ගසාගෙන කාමරයෙන් පිටතට පැමිණ එම පුද්ගලයාට අසනීප බවට කළමනාකරුට දැනුම් දී තිබෙනවා.
කළමනාකරු කාමරය වෙත ගොස් බැලීමේදී ඔහුගේ කටින් සෙම වැගිරී තිබෙන අයුරු දැක එම පුද්ගලයා රෝහල්ගත කිරීම සඳහා ත්‍රීරෝද රථයක් රැගෙන ඒම සඳහා ලැගුම්හලින් පිටතට අවස්ථාවේදීයි එම කාන්තාව පලා ගොස් ඇත්තේ.
පොලීසිය පැවසුවේ පලා ගිය කාන්තාව සොයා පරීක්ෂණ සිදු කරන බවයි.
මියගිය පුද්ගලයාගේ පශ්වාත් මරණ පරීක්ෂණය කළුබෝවිල රෝහලේදී නියමිතය.