යාපනය, චාවකච්චේරි ප්‍රදේශයේදී යතුරුපැදියකින් කේරළ ගංජා ප්‍රවාහනය කරමින් සිටි සැකකරුවෙකු ඊයේ (27) සවස අත්අඩංගුවට ගෙන තිබෙනවා.
පොලිසියට ලද තොරතුරක් මත සිදුකළ වැටලීමකදී කේරළ ගංජා කිලෝග්‍රෑම් එකයි ග්‍රෑම් 800 ක් රැගෙන යමින් සිටි පුද්ගලයෙකු එලෙස අත්අඩංගුවට ගෙන තිබෙනවා.
සැකකරු ජාවාරම්කරුවෙකු වෙත ලබාදීමට ගංජා තොගය රැගෙන යමින් සිටියදී අත්අඩංගුවට ගැනීම සිදුකළ බවයි පොලිසිය පවසන්නේ.
යාපනය, චාවකච්චේරි පදිංචි 38 හැවිරිදි පුද්ගලයෙකු එලෙස අත්අඩංගුවට ගෙන තිබූ අතර සැකකරු හා ගංජා තොගය යාපනය චාවකච්චේරි මහේස්ත්‍රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධයෙන් චාවකච්චේරි පොලිසිය වැඩිදුර පරීක්ෂණ මෙහෙයවයි.