ලබන වසරේදී ගෑස්, පෙට්‍රල් සහ ඩීසල් මිල ගණන් වෙනස්වීම සම්බන්ධයෙන් අද (28) ජනාධිපති මාධ්‍ය කේන්ද්‍රයේ මාධ්‍ය හමුවක් පැවැත්වුණා.
එහිදී ඉන්ධන සහ ගෑස් සඳහා ජනවාරි 01 වැනිදා සිට VAT බද්ද ක්‍රියාත්මක කිරීමේදී වරාය හා ගුවන්තොටුපොළ බද්ද ඉන් ඉවත්කරන බව මුදල් අමාත්‍යාංශයේ බදු ප්‍රතිපත්ති උපදේශිකා තනුජා පෙරේරා පැවසුවාය.
ඒ සම්බන්ධයෙන් වැඩිදුරටත් පැහැදිලි කරමින් ඇය කියා සිටියේ ඉන්ධන සඳහා සියයට 18ක වැට් බද්ද ක්‍රියාත්මක කිරීමේදී එම බද්දෙන් සියයට 7.5ක වරාය හා ගුවන්තොටුපොළ බද්ද ඉවත්වනු ඇති බවයි.
එමෙන්ම ගෑස් සඳහා සියයට 18ක VAT බද්ද ක්‍රියාත්මක කිරීමේදී එම බද්දෙන් ඉන් සියයට 2.5ක වූ වරාය හා ගුවන්තොටුපොළ බද්ද ඉවත්වනු ඇති.