2023 අධ්‍යන පොදු සහතික පත්‍ර උසස් පෙළ විභාගයට අදාළ උපකාරක පන්ති, සම්මන්ත්‍රණ සහ වැඩමුළු පැවැත්වීම අද (29) මධ්‍යම රාත්‍රියේ සිට තහනම් වනවා.
ඒ අනුව විභාගයට අදාළ අනුමාන ප්‍රශ්න පත්‍ර ලබාදීම හා විද්‍යුත් හා මුද්‍රිත මාධ්‍යවලින් ඒ පිළිබඳ ප්‍රචාරය කිරීම ද තහනම් වන බවයි විභාග දෙපාර්තමේන්තුව පවසන්නේ.
එම නියෝගය කඩකරමින් කටයුතු කරන පුද්ගලයින්ට එරෙහිව දැඩි ක්‍රියාමාර්ග ගන්නා බව විභාග දෙපාර්තමේන්තුව සඳහන් කරයි.
මෙවර අපොස උසස් පෙළ විභාගය ලබන මස 04 වැනිදා ආරම්භ වන අතර 31 වැනිදා දක්වා එය අවසන් වීමට නියමිතයි.