පොළොන්නරුව ප්‍රදේශයට පවතින අධික වර්ෂාපතනය හමුවේ පරාක්‍රම සමුද්‍රයේ වාන් දොරටු 10 ක් විවෘත කර තිබෙනවා.
මේ හේතුවෙන් මඩකලපුව – පොළොන්නරුව ප්‍රධාන මාර්ගය නැවත දැනුම් දෙනතුරු වසා දමා තිබෙනවා.
මෙම එක් වාන් දොරටුවකින් තත්පරයට ඝන අඩි 2,500 ක ධාරිතාවකින් ජලය මුදාහැරෙන බැවින් පහත් බිම්වල ජනතාවට අවධානයෙන් පසුවන ලෙසයි ආපදා කළමනාකරණ මධ්‍යස්ථානය දැනුම් දෙන්නේ.
ආපදා කළමනාකරණ මධ්‍යස්ථානය සඳහන් කළේ වැලිකන්ද, දිඹුලාගල, මඩකලපුව දක්වා ගමන් කරන මගීන්ට කදුරුවෙල දුම්රිය ස්ථානයේ සිට මනම්පිටිය බලා ගමන් කිරීමට විශේෂ දුම්රිය සේවාවක් ක්‍රියාත්මක බවයි.
එමෙන්ම මඩකලපුව දෙසට ගමන් කරන වාහන සඳහා විකල්ප මාර්ගයක් ලෙස ගිරිතලේ, ඇළහැර, බකමූණ, දෙහිඅත්තකණ්ඩිය මාර්ගය හරහා ගමන් කිරීමට හැකියාව පවතිනවා.