27.8 C
Colombo
Friday, August 29, 2025

― political ―

ගැමි දරුවෙක් රට පාලනය කරනවා දකිද්දී ආඩම්බරයි

ගැමි දරු­වෙක් රට පාල­නය කර­නවා දකින විට පක්ෂ­යක් ලෙස ඉතා ආඩ­ම්බර වෙන බව ජන­සෙත පෙර­මුණේ නායක බත්ත­ර­මුල්ලේ සීල­ර­තන හිමියෝ පැව­සූහ.කොළඹ, පක්ෂ කාර්යා­ල­යේදී පැවති මාධ්‍ය...
HomeHot Newsයුක්තියේ මෙහෙයුමෙන් 1467ක් අත්අඩංගුවට

යුක්තියේ මෙහෙයුමෙන් 1467ක් අත්අඩංගුවට

ඊයේ (28) අලුයම 12.30 සිට අද (29) අලුයම 12.30 දක්වා පැය 24ක කාලය තුළ සිදුකළ ‘යුක්තිය’ විශේෂ පොලිස් මෙහෙයුමේදී පාතාලයට සහ මත්ද්‍රව්‍ය ජාවාරමට සම්බන්ධ සැකකරුවන් 1467 දෙනෙකු අත්අඩංගුවට ගත් බව පොලීසිය පවසනවා.

මෙලෙස අත්අඩංගුවට ගැනුණු සැකකරුවන්ගෙන් 56 දෙනෙක් රැඳවුම් නියෝග මත වැඩිදුර විමර්ශන සිදුකරන බවයි පොලීසිය වැඩිදුරටත් සඳහන් කළේ.

එමෙන්ම මත්ද්‍රව්‍යවලට ඇබ්බැහි වූ පුද්ගලයින් 51 දෙනෙක් පුනරුත්තාපන මධ්‍යස්ථාන වෙත යොමු කර ඇති අතර පොලිස් මත්ද්‍රව්‍ය නාශක කාර්යංශය සහ විශේෂ කාර්යංශය ලේඛනගත සැකකරුවන්ගේ ලැයිස්තුවේ සිටි සැකකරුවන් 164 දෙනෙකු ද මෙම මෙහෙයුමේ දී අත්අඩංගුවට ගෙන තිබෙනවා.

මේ අතර එම පැය 24ක කාලය තුළ සිදුකළ මෙහෙයුමේදී හෙරොයින් ග්‍රෑම් 460ක්, අයිස් ග්‍රෑම් 653ක්, ගංජා කිලෝ 03යි ග්‍රෑම් 637ක්, ගංජා පැල 103,793ක්, මාවා ග්‍රෑම් 342ක්,මත් පෙති 562ක් ද පොලිස් භාරයට ගෙන ඇති බවයි වාර්තා වුණේ.