කළුතර බන්ධනාගාරයේ රඳවා සිටින සිය සැමියාට කලිසමේ වාටියේ සඟවා හෙරොයින් මත්කුඩු රැගෙන ගිය කාන්තාවක් අත්අඩංගුවට ගෙන තිබේ.
පොලීසිය පැවසුවේ මෙලෙස අත්අඩංගුවට ගෙන ඇත්තේ වාද්දුව – මොල්ලිගොඩ ප්‍රදේශයේ පදිංචි 25 හැවිරිදි කාන්තාවක් බවයි.
අමුත්තන් බැලීම සඳහා පැමිණ සිටි සැකකාරිය සිය සැමියාට ලබාදීම සඳහා කොට කලිසමක් රැගෙන විත් ඇති අතර බන්ධනාගාර නිළධාරිනියකට සැක සිතී එය පරීක්ෂා කිරීමේදී කලිසමේ වාටියේ සගවා තිබී හෙරොයින් මත්කුඩු මිලිග්‍රෑම් 440ක් සොයාගෙන තිබෙනවා.