පසුගිය 01 වැනිදා වැලිගම වෙඩි තැබීමේ සිද්ධියේදී මියගිය උපපොලිස් පරීක්ෂක උපුල් චමින්ද කුමාරගේ පවුලේ සාමාජිකයින් වෙත ජනාධිපති රනිල් වික්‍රමසිංහ විසින් රුපියල් මිලියන 2.5ක මූල්‍ය පරිත්‍යාගයක් සිදු කර තිබෙනවා.
ඊට අමතරව මහජන ආරක්‍ෂක අමාත්‍ය ටිරාන් අලස් විසින් රුපියල් මිලියන 1.7ක් හා වැඩබලන පොලිස්පති දේශබන්දු තෙන්නකෝන් විසින් පොලිස් දෙපාර්තමේන්තුවෙන් රුපියල් මිලියන 1.7ක් බැගින් ඔහුගේ පවුලේ සාමාජිකයින්ට පරිත්‍යාග කර තිබෙනවා.
ජනවාරි 01 වැනිදා වැලිගම ප්‍රදේශයේ සිදුකළ වැටලීමක් අතරතුර වෙඩි වැදී මියගිය උපුල් චමින්ද කුමාර කොළඹ අපරාධ කොට්ඨාසයේ පොලිස් සැරයන්වරයෙකු ලෙස කටයුතු කරනු ලැබීය.
ඔහු උපපොලිස් පරීක්ෂක තනතුරට උසස් කිරීමට ද පොලිස් දෙපාර්තමේන්තුව පියවර ගෙන තිබුණා.