තරුණයෙක්ට දේශපාලන වශයෙන් ශක්තිමත් වීමට හොඳම අවස්ථාව මෙය යැයි තමන් විශ්වාස කරන බවත් පක්‍ෂය සහ රට ගොඩනැගීමේ අභියෝගය ඕනෑම අවස්ථාවක භාරගැනීමට සූදානම් බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්‍ෂ පවසයි.
මන්ත්‍රීවරයා මේ බව සඳහන් කළේ අද (08) ශ්‍රී ලංකා පොදුජන පෙරමුණු මූලස්ථානයේ පැවති මාධ්‍ය හමුවට එක්වෙමිනි.
එහිදී වැඩිදුරටත් අදහස් දක්වමින් මන්ත්‍රීවරයා කියා සිටියේ වර්තමාන ජනාධිපති රනිල් වික්‍රමසිංහ රට භාරගන්නා විට 2020 රට ණය බරින් නිදහස් කරනවා කිව්වට නැවත වතාවක් බලයට ඇවිත් ණය ප්‍රතිව්‍යුහගතකරණය කරමින් සිටින බවයි.
සෑම දේශපාලඥයෙක්ටම සුරංගනා කථා මවා කියන්න පුළුවන් බවත් පොදුජන පෙරමුණෙන් ගැලවෙච්ච අය වෙනත් දේශපාලන පක්ෂ ලෙස සන්ධාගතව සිටි අය බවත් ඔහු එහිදී අවධාරණය කළේය.