එළිසබෙත් මහ රැජිණගේ දියණිය වන බ්‍රිතාන්‍යයේ ඈන් කුමරිය තෙදින නිල සංචාරයක් සඳහා අද (10) මෙරටට පැමිණ තිබෙනවා.
විදේශ අමාත්‍යාංශය සඳහන් කළේ, ශ්‍රී ලංකාව සහ එක්සත් රාජධානීය අතර රාජ්‍ය තාන්ත්‍රික සබඳතාවල 75 වැනි සංවත්සරය සඳහා මෙරට රජය කළ ආරාධනය මත කුමරිය මෙරට සංචාරයේ නිරතවන බවයි.
ඒ අනුව ඈන් කුමරිය සහ ඇගේ සැමියා වන ශ්‍රීමත් තිමති ලෝරන්ස් තෙදින නිල සංචාරයක් සඳහා මෙරටට පැමිණ තිබෙනවා.
මෙම සංචාරයේදී ඇය ජනාධිපති රනිල් වික්‍රමසිංහ ද හමුවීමට නියමිතය.
