කහතුඩුව අධිවේගී පිවිසුම අසළදී මෝටර් රථයෙන් පැමිණි පුද්ගලයෙකු ගුවන් සේවා නිලධාරිනියකගේ ගෙල කපා ඝාතනය කර පලා ගොස් තිබෙනවා.
පොලීසිය පැවසුවේ මෙලෙස ඝාතනයට ලක්ව ඇත්තේ පිළියන්දල, මඩපාත, ජබුරලිය පදිංචිව සිටි මාපිටියගේ දුලාංජලී අනුරුද්ධිකා නමැති 42 එක්දරු මවක් බවයි.
රැකියාව නිමවා කාර්යාල සේවා බස් රථයෙන් පැමිණ කහතුඩුව අධිවේගී පිවිසුමෙන් හොරණ කොළඹ මාර්ගයට පැමිණෙමින් සිටියදී මෝටර් රථයකින් පැමිණි පුද්ගලයකු විසින් ඇයගේ ගෙලට කඩුවකින් පහර දී පලා ගොස් ඇති බවයි පොලිසිය පවසන්නේ.
බරපතළ තුවාල ලද ඇය වෑතර රෝහල වෙත ඇතුළත් කිරීමෙන් අනතුරුව ජීවිතක්ෂයට පත්ව තිබෙනවා.
ඝාතනය කළ සැකකරු අද (10) අලුයම කටුනායක ගුවන්තොටුපොළේදී අත්අඩංගුවට ගෙන ඇති අතර ඝාතනයෙන් අනතුරුව ඔහු විදේශ රටකට පලායෑමට සඳහා සූදානම්ව සිට ඇති බවයි වාර්තා වන්නේ.