වෙළෙඳපොළේ දුඹුරු සීනි කිලෝග්‍රෑමයක මිල රුපියල් 415 දක්වා වැඩි වී තිබෙනවා.
සීනි ව්‍යාපාරිකයින් පවසන්නේ වැට් බද්ද 18%කින් ඉහළ යාම හේතුවෙන් මෙලෙස දුඹුරු සීනි මිල ඉහළ ගොස් ඇති බවයි.
පැල්වත්ත හා සෙවණගල සීනි කර්මාන්තශාලාවලින් පමණක් දුඹුරු සීනි නිෂ්පාදනය කරනු ලබන අතර ඊයේ (09) පැවති ටෙන්ඩරයකින් පසු සීනි කිලෝග්‍රෑමයක් රුපියල් 322ක මුදලකට අලෙවි වී තිබෙනවා.
ඒ අනුව වැට් බද්ද 18% හා සමාජ ආරක්ෂණ බද්ද 2.6%ක් එකතු වීමෙන් පසු සීනි කිලෝග්‍රෑමයක මිල රුපියල් 390 ඉක්මවා ඇති බවයි ව්‍යාපාරිකයින් පෙන්වා දෙන්නේ.
ඔවුන් ඊට සිය ලාභය ද එකතු කළ පසු දුඹුරු සීනි කිලෝග්‍රෑමයක් අලෙවි කෙරෙන්නේ රුපියල් 415 කටයි.