නිල සංචාරයක් සඳහා මෙරටට පැමිණ සිටින බ්‍රිතාන්‍ය රජ පවුලේ ඈන් කුමරිය ඇතුළු දූත පිරිස අද (11) මහනුවර ඓතිහාසික ශ්‍රී දළදා මාළිගාවට පැමිණ දළදා සමිඳුන් වැඳ පුදා ආගමික වතාවත්හි නිරත වී තිබෙනවා.
ශ්‍රී දළදා මාළිගාව වෙත පැමිණි ඈන් කුමරිය මධ්‍යම පළාත් ආණ්ඩුකාර ලලිත් යූ. ගමගේ සහ වැඩ බලන දියවඩන නිලමේ මහින්ද දෑල මහත්වරුන් හා රාජ්‍ය අමාත්‍ය සීතා අරඹෙපොල විසින් පිළිගත් අතර කුමරිය දැක බලා ගැනීම සඳහා මාළිගාවට දෙස් විදෙස් ජනතාව එක් රොක්ව සිටියා.
