දරුවන්ට බස් රථ තුළදී සිදුවන අපයෝජන වැළැක්වීම සඳහා ඉදිරියේදී බස් රථ තුළ CCTV කැමරා පද්ධති සවි කිරීමට කටයුතු කරන බව කාන්තා හා ළමා කටයුතු රාජ්‍ය ඇමැතිනී ගීතා කුමාරසිංහ පවසනවා.
ස්ථාවර රටකට සැවොම එක මගකට මැයෙන් ජනාධිපති මාධ්‍ය කේන්ද්‍රයේ ඊයේ (11) පැවැති මාධ්‍ය හමුවකදීයි රාජ්‍ය අමාත්‍යවරිය මේ බව කියා සිටියේ.
මෙලෙස CCTV කැමරා පද්ධති සවි කිරීම පිළිබඳ ජාතික ගමනාගමන කොමිෂන් සභාව සහ මාර්ගස්ථ මගී ප්‍රවාහන අධිකාරිය දැනුවත් කර ඇති බවයි ඇය එහිදී සඳහන් කළේ.
මෙලෙස බස් රථවල CCTV කැමරා පද්ධති සවි කිරීම මගින් යම් දරුවෙකුට අපයෝජනයක් සිදු වුවහොත් එය සාක්ෂි සහිතව අධිකරණයට ඉදිරිපත් කිරීමේ හැකියාව පවතින බවද ඇය පැවසුවාය.