2024 පළමු දින 15 තුළදී මෙරටට පැමිණි විදෙස් සංචාරකයින් සංඛ්‍යාව 100,000 සීමාව ඉක්මවා ගොස් තිබෙනවා.
සංචාරක සංවර්ධන අධිකාරියේ නවතම වාර්තාවක දක්වා ඇත්තේ 2024 වසරේ ජනවාරි 15 දක්වා කාල පරිච්ඡේදය තුළ මෙරටට පැමිණ ඇති සමස්ත විදෙස් සංචාරකයින් සංඛ්‍යාව 101,362 ක් බවයි.
මෙම කාලයේදී මෙරටට වැඩිම සංචාරකයින් පිරිසක් පැමිණ ඇත්තේ ජනවාරි 15 වැනිදා වන අතර එම සංඛ්‍යාව 8,541කි.
වැඩි වශයෙන් සංචාරකයින් පැමිණ ඇත්තේ රුසියාවෙන් වන අතර 16,263 ක් ලෙසයි එම සංඛ්‍යාව දැක්වෙන්නේ.
මීට අමතරව ඉන්දියාවෙන් සංචාරකයින් 15,324ක්, එක්සත් රාජධානියෙන් 7,741 ක්, ජර්මනියෙන් 7,297ක්, ලෙස වැඩි වශයෙන් සංචාරකයින් මෙරටට පැමිණ තිබෙනවා.