බොරැල්ල සර්පන් ටයින් පාරේ නිවසකදී වැඩිමල් සහෝදරයා බාල සහෝදරයාට කතුරකින් ඇන ඝාතනය කර තිබෙනවා.
බොරැල්ල පොලිසිය පැවසුවේ මෙලෙස ඝාතනයට ලක්ව ඇත්තේ කොළඹ 08, බොරැල්ල සර්පන් ටයින් පාරේ පදිංචිව සිටි 55 හැවිරිදි තැනැත්තෙකි.
මොහු වෙළෙඳ සහයකයෙකු ලෙස කටයුතු කරන අයෙකු බවයි පොලීසිය පවසන්නේ.
මරණයට ලක් වූ මත්පැන් පානය කරමින් සිටියදී වැඩිමහල් සහෝදරයා සමඟ ඇති වූ බහින්බස් වීමක් දුරදිග ගොස් ඇති අතර සැකකාර වැඩිමල් සහෝදරයා විසින් බාල සහෝදරයාට කතුරකින් පපුවේ වම්පස ප්‍රදේශයට ඇන තිබෙනවා.
බරපතළ තුවාල ලද පුද්ගලයා කොළඹ ජාතික රෝහල වෙත ඇතුළත් කර ඇති අතර එහි ප්‍රතිකාර ලබමින් සිටියදීයි මොහු මියගොස් ඇත්තේ.
59 හැවිරිදි සැකකාර වැඩිමල් සොයුරා ඝාතනයට යොදා ගත් කතුරක් සමග පොලිසිය විසින් අත්අඩංගුවට ගෙන තිබෙනවා.