දිවයින පුරා VAT බද්දෙන් නිදහස් භාණ්ඩ පමණක් අලෙවි කරන වෙළඳසැල් විවෘත කිරීමට කටයුතු කරන බව ප්‍රවාහන අමාත්‍ය බන්දුල ගුණවර්ධන පවසනවා.
අමාත්‍යවරයා මේ බව සඳහන් කළේ කඩුවෙල ප්‍රදේශයේ පැවති වැඩසටහනකට එක්වෙමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ මෙයින් පාරිභෝගිකයන්ට සාධාරණ ලෙස භාණ්ඩ මිල දී ගැනීමට හැකියාව පවතින බවයි.
එළවලු, ළදරු කිරිපිටි, පළතුරු සහ සහල් ආදී VAT බදු අය නොවන භාණ්ඩ රාශියක් පවතින බවත් එම VAT බදු අය නොවන භාණ්ඩ සඳහා පමණක් වෙළඳසැල් ජාලයක් රට පුරා පිහිටුවීමට පියවර ගන්නා ලෙස නිලධාරින්ට උපදෙස් ලබා දී ඇති බවත් අමාත්‍යවරයා එහිදී අවධාරණය කළා.