සංවිධානාත්මක අපරාධ කල්ලි නායකයෙකු වන නදුන් චින්තක වික්‍රමරත්න හෙවත් ‘හරක් කටා’ සමග සම්බන්ධතා පැවැත්වූ බවට සැකකකෙරෙන තවත් පුද්ගලයෙකු වැල්ලම්පිටිය ප්‍රදේශයේදී අත්අඩංගුවට ගෙන තිබෙනවා.
කොළඹ අපරාධ කොට්ඨාසයට ලද තොරතුරකට අනුව ඊයේ (22) මොහු අත්අඩංගුවට ගෙන තිබෙනවා.
පොලීසිය පැවසුවේ මෙලෙස අත්අඩංගුවට ගත් සැකකරු වැල්ලම්පිටිය ප්‍රදේශයේම පදිංචි 27 හැවිරිදි අයෙක් බවයි.
මොහු විසින් හරක් කටා සමග දුරකතනයෙන් සබදතා පවත්වා ඇති බවයි වැඩිදුර විමර්ශනවලදී අනාවරණය වී ඇත්තේ.
මීට පෙරද හරක් කටා සමඟ සබදතා පැවැත්වූ කාන්තාවක් ඇතුළු 07 දෙනෙකු අත්අඩංගුවට ගනු ලැබීය.