මහනුවර ප්‍රධාන පෙළේ පාසලක රගර් පුහුණුකරුවෙකු ලෙස සිටි අයෙකු හෙරොයින් 02ග් ක් සහ මත්පෙති 4,100 ක් සමග මහනුවර, අඹතැන්න ප්‍රදේශයේදී අලවතුගොඩ පොලිස් ස්ථානය විසින් අත්අඩංගුවට ගෙන තිබෙනවා.
සැකකාර ගුරුවරයා අඹතැන්න ප්‍රදේශයේ පදිංචිකරුවෙක් වන අතර මීට මාස 06 කට පමණ පෙර මෙම පාසලට බාහිර පුහුණුකරුවෙකු ලෙස එක්ව ඇති බවයි අනාවරණය වී ඇත්තේ.
මොහු යුධ හමුදා සේවා බලකායට අනුයුක්තව පනාගොඩ කදවුරේ සේවය කර ඇති අතර මේ වනවිට යුධ හමුදා සේවයෙන් පලාආ අයෙකු බවයි පොලීසිය පවසන්නේ.