දොඩම්ගස්ලන්ද ප්‍රදේශයේ විහාරස්ථානයක ඊයේ (24) රාත්‍රියේ වෙඩි තැබීමක් සිදුව තිබෙනවා.
මදුරාගොඩ පොලීසිය පැවසුවේ දොඩම්ගස්ලන්ද – උඩත්තාපොළ පුරාණ විහාරස්ථානයට මෙම වෙඩි ප්‍රහාරය එල්ල වී ඇති බවයි.
විහාරාධිපති ගල්නෑවේ පඤ්ඤාකිත්ති හිමියන් වැඩ වසන කාමරයේ ජනේලයකට වෙඩි ප්‍රහාරය එල්ල වී තිබුණ ද පඤ්ඤාකිත්ති හිමියන් එම අවස්ථාවේ දී ලැගුම් ගෙයි වෙනත් ස්ථානයක සැතපී සිටි බැවින් උන් වහන්සේට හානියක් සිදුව නොමැති බවයි පොලීසිය සඳහන් කළේ.
පොලිස් පරීක්ෂණවලට අනුව බඳින තුවක්කුවක් හා සමාන කුවක්කුවකින් මෙම වෙඩි තැබීම සිදු කර ඇති බවයි අනාවරණය වී ඇත්තේ.