නාවික හමුදාවේ සේවය කරන බෑනා විසින් තම නැන්දම්මාට උදැල්ලකින් පහර දීමේ පුවතක් අනුරාධපුරයෙන් වාර්තා වනවා.
පොලීසිය පැවසුවේ අනුරාධපුර – වාහල්කඩ ප්‍රදේශයේදී ඊයේ (25) රාත්‍රීයේ සිය බිරිඳගේ මවට උදැල්ලකින් පහර දී ඝාතනය කළ සැකකාර නාවික හමුදා සෙබළා අත්අඩංගුවට ගනු ලැබූ බවයි.
උදලු පහරින් ජීවිතක්ෂයට පත්ව ඇත්තේ 54 හැවිරිදි කාන්තාවකි.
වැඩිදුර විමර්ශනවලදී අනාවරණය වී ඇත්තේ මෙම නාවික හමුදා සෙබළාගේ බිරිඳ සැකකරු සමඟ අමනාප වී මීට මාස කිහිපයකට පෙර ඇගේ මවගේ නිවසට පැමිණ ජීවත් වී ඇති බවයි.
ඒ අනුව ඊයේ රාත්‍රියේ සැකකාර නාවික හමුදා සෙබළා මවගේ නිවසට පැමිණ මෙම පහරදීම සිදුකර ඇති බවයි පොලීසිය පවසන්නේ.