76 වන නිදහස් දින උළෙලේ පෙරහුරු හේතුවෙන් අද (30) දිනයේ සිට කොළඹ නගරයේ රථවාහන ගමනාගමනය සීමා කර තිබෙනවා.
ඒ අනුව අද (30) සිට ලබන 04 වැනිදා දක්වා මෙලෙස මාර්ග වසා තැබීම් සහ රථවාහන ගමනාගමනය සීමාකිරීම් සිදුකරන බවයි පොලිසිය පැවසුවේ.
නිදහස් උළෙලේ පෙරහුරු සිදුකරන අද (30) සිට පෙබරවාරි මස 02 වැනිදා දක්වා පෙරවරු 06 සිට දහවල් 12 දක්වාත්, පෙබරවාරි 03 වැනිදා පස්වරු 02 සිට 04 වන දින උත්සවය අවසන් වන තෙක් මෙම විශේෂ රථ වාහන සැලැස්ම ක්‍රියාත්මකයි.
