28 C
Colombo
Thursday, February 22, 2024

සිර මැදිරියේ සිටි තරුණයා හදිසියේම ජීවිතක්ෂයට

අනුරාධපුර මූලස්ථාන පොලිසිය විසින් අත්අඩංගුවට ගත් තරුණයෙක් අද (31) සිර මැදිරිය තුළදී හදිසියේම ජීවිතක්ෂයට පත්ව තිබෙනවා.

මෙම තරුණයා ඇතුළු තවත් තරුණයින් තිදෙනෙකු පොලීසිය විසින්අත්අඩංගුවට ගෙන ඇති අතර මිය ගිය තරුණයා පොලිස් සිරමැදිරිය තුළදී හදිසියේම රෝගාතුර වීම හේතුවෙන් අනුරාධපුර ශික්ෂණ රෝහලට ඇතුළත් කිරීමෙන් පසුව මියගොස් තිබෙනවා.

මෙලෙස මියගොස් ඇත්තේ අනුරාධපුර දෙවන පියවරෙහි පදිංචි ශානුක ගිහාන් මාරඹගේ නමැති වයස අවුරුදු විසි දෙකක පවුලේ එකම පිරිමි දරුවායි.

මියගිය තරුණයාගේ මව විදේශගතව සිටින බවත් ආච්චි සහ සීයාගේ රැකවරණය යටතේ මියගිය තරුණයා ජීවත්වන බවත් පවුලේ ඥාතීන් සඳහන් කරනවා.

ඔවුන් වැඩිදුරටත් සඳහන් කර සිටියේ මෙම මරණය පිළිබඳව සැක සහිත බවත් පොලිස් අත්අඩංගුවෙන් පසු කිසියම් දෙයක් සිදුව ඇති බවත්ය.

මත්ද්‍රව්‍යවලට සම්බන්ධව සැකපිට මෙම තරුණයා ඇතුළුව ඔහුගේ තවත් මිතුරන් තිදෙනෙකු අනුරාධපුර විශේෂ කොට්ඨාස අපරාධ විමර්ශන අංශය විසින් ඔවුන්ගේ නිවසේ සිටියදී අත්අඩංගුවට ගෙන තිබෙනවා.

ඔවුන්ගේ ඥාතීන් පොලිසියට ගිය විටදී තරුණයන්ට අවශ්‍ය ආහාර ලබා දී යළිත් නිවසට පැමිණ ඇති අතර පස්වරුවේ ඥාතීන්ට කිසියම් අයෙකු විසින් දුරකථන මගින් දැනුම්දී තිබෙන්නේ තරුණයා හදිසියේ රෝගීවීම හේතුවෙන් අනුරාධපුර ශික්ෂණ රෝහලට ඇතුළත් කළ බවත් ඔවුන්ට රෝහලට කඩිනමින් පැමිණෙන ලෙසත්ය.

එම දැනුම්දීමට අනුව එහි ගිය ඥාතීන්ට දැකගැනීමට හැකි වී තිබෙන්නේ මියගිය තරුණයාගේ නිසල දේහයයි.

මේ පිළිබඳව පොලිසියෙන් සිදුකළ විමසීමේදී උසස් පොලිස් නිලධාරියෙකු සඳහන් කළේ මත්ද්‍රව්‍ය භාවිතයට නොමැතිවීම හේතුවෙන් සිදුවූ සංකූලතාවයක් හේතුවෙන් ඔහු සිර මැදිරිය තුළදී රෝගී වූ බවයි.

ඉන්පසුව කඩිනමින් තරුණයා රෝහල්ගත කළ බවත් එහිදී ඔහූ ජීවිතක්ෂයට පත්ව ඇති බවත් ඔහු ඥාතීන් හමුවේ පවසා තිබෙනවා.

Latest

ජනවාරියේ උද්ධමනය තවත් ඉහළට

2024 ජනවාරි මාසයේදී මෙරට උද්ධමනය තවත් ඉහළ ගොස් තිබෙනවා. ජනලේඛන...

මාළු මිල ඉහළට

පෑලියගොඩ මත්ස්‍ය වෙළෙඳ සංකීර්ණයේ අද (21) දිනයේදී මාළු මිල...

රිය අනතුරකින් සරසවි සිසුවා ජීවිතක්ෂයට

අද (21) උදෑසන සිදුවූ රිය අනතුරකින් යාපනය විශ්වවිද්‍යාලයේ සිසුවෙක්...

හෙට රතු වෙන නෙළුම් කුළුණ

කොළඹ නෙළුම් කුළුණ හෙට (22) දිනයේදී රතු පැහැයෙන් ආලෝකමත්...

Don't miss

සති පාසල ජාත්‍යන්තරයට ගෙන යනවා – සුසිල්

විවිධ අභියෝගවලට මුහුණදෙමින් සංකීර්ණ ඉගෙනුම් ක්‍රියාවලියක යෙදෙන වත්මන් පාසල්...

වසර මැදදී උද්ධමනය 5% ට ගේනවා – සියඹලාපිටිය

2024 වසර මැද වන විට උද්ධමන අනුපාතය 5% මට්ටමකට...

ලබන සතියේ දින 03ක් මැතිසබේ රැස්වෙයි

එළඹෙන 20, 21 සහ 22 යන දිනවල පාර්ලිමේන්තු රැස්වීම්...

රට ගොඩගන්න පුළුවන් එකම නායකයා රනිල් විතරයි

පවතින ආර්ථික අර්බුදයෙන් රට ගොඩගැනීම සඳහා හැකියාව ඇති එකම...

මම රටේ ආර්ථිකය යථා තත්ත්වයට පත් කළා – ජනපති

රට ආර්ථික පරිවර්තනයකට යොමු කිරීමට නම් ලොවට ගැළපෙන නව...

ජනවාරියේ උද්ධමනය තවත් ඉහළට

2024 ජනවාරි මාසයේදී මෙරට උද්ධමනය තවත් ඉහළ ගොස් තිබෙනවා. ජනලේඛන හා සංඛ්‍යාලේඛන දෙපාර්තමේන්තුව පවසන්නේ ජනවාරි මාසයේදී මෙරට උද්ධමනය සියයට 6.5ක් දක්වා ඉහළ ගොස් ඇති බවයි. එමෙන්ම...

මාළු මිල ඉහළට

පෑලියගොඩ මත්ස්‍ය වෙළෙඳ සංකීර්ණයේ අද (21) දිනයේදී මාළු මිල ඉහළ ගොස් තිබෙනවා. මාළු වෙළෙන්ඳන් පවසන්නේ අද දිනයේදී බලයා මාලු කිලෝවක් රුපියල් 700 - 600ත් අතර...

රිය අනතුරකින් සරසවි සිසුවා ජීවිතක්ෂයට

අද (21) උදෑසන සිදුවූ රිය අනතුරකින් යාපනය විශ්වවිද්‍යාලයේ සිසුවෙක් ජීවිතක්ෂයට පත්වුණා. මෙලෙස ජීවිතක්ෂයට පත්ව ඇත්තේ යාපනය විශ්වවිද්‍යාලයේ කලා පීඨයේ පළමු වසරේ ඉගෙනුම ලැබූ මනිපායි ප්‍රදේශයේ...

LEAVE A REPLY

Please enter your comment!
Please enter your name here