නව අස්වැසුම ප්‍රතිලාභීන් තෝරාගැනීමට අයදුම්පත්‍ර කැඳවීම හෙට (10) ආරම්භ වීමට නියමිත බව මුදල් අමාත්‍යංශය පවසනවා.
ඒ අනුව නව අස්වැසුම ප්‍රතිලාභීන් ලක්ෂ 04ක් තෝරාගැනීමට නියමිතයි.
එමෙන්ම මෙවර ප්‍රතිලාභීන් තෝරා ගැනීමේදී ඉදිරිපත් වී ඇති යෝජනා අනුව ඇතැම් නිර්ණායක සංශෝධනය කිරීමට පියවර ගෙන තිබෙනවා.
මුදල් අමාත්‍යංශය සඳහන් කළේ මින් පෙර යම් අයෙක්ට අස්වැසුම වැඩසටහන සඳහා අයදුම් කිරීමට නොහැකි වූයේ නම් මෙවර ඔවුන්ටද අයදුම් කිරීමට හැකියාව පවතින බවයි.