බලංගොඩ, රාස්සගල තේ කර්මාන්තශාලාවක තේ දළු ප්‍රවාහනය කරන යන්ත්‍රයට ගෙල සිරවීමෙන් කම්කරුවෙකු බරපතළ තුවාල ලබා තිබෙනවා.
බලංගොඩ පොලීසිය පැවසුවේ ඔහු අද (12) මෙම අනතුරට මුහුණ පා ඇති බවයි.
අනතුරෙන් බරපතල තුවාල ලැබූ කම්කරුවා බලංගොඩ මූලික රෝහලට ඇතුළත් කර ඇති අතර වැඩිදුර ප්‍රතිකාර සඳහා රත්නපුර මහ රෝහල වෙත මාරු කර යවා තිබෙනවා.
වී. මහේන්ද්‍රන් නැමැති කම්කරුවෙක් මෙම අනතුරට මුහුණ පා ඇති බවයි අප වාර්තාකරු සඳහන් කළේ.
තේ කර්මාන්තශාලාවේ පහළ මහලේ සිට ඉහළ මාලයට දළු ප්‍රවාහනය කරන යන්ත්‍රයට ගෙල සිරවීමෙන් ඔහු මෙම අනතුරට මුහුණ පා තිබෙනවා.
සිද්ධිය සම්බන්ධයෙන් බලංගොඩ පොලිසිය වැඩිදුර පරීක්ෂණ සිදුකරනු ලබනවා.