නිවසට ඇතුළු වූ මීයෙක් සම්බන්ධයෙන් එකම පවුලේ සහෝදරයින් දෙදෙනෙකු අතර වූ බහින් බස්වීමක් දුරදිග යාමෙන් එක් අයෙක් ජීවිතක්ෂයට පත් වී තිබෙනවා.
තලංගම පොලිසිය පැවසුවේ මොවුන් දෙදෙනා මීයා පසුපස හඹා යන අතරේ බාල සොහොයුරා එක්වරම ක්ලාන්ත වී ඇද වැටී ඇති බවයි.
ඔහු ප්‍රතිකාර සඳහා තලංගම දිසා රෝහලට ඇතුළත් කිරීමට යාමේදී ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ බත්තරමුල්ල තලංගම දකුණ පදිංචි එගොඩවත්ත ආරච්චිගේ අනුර කිත්සිරි නැමැති 59 හැවිරිදි දෙදරු පියෙකි.
මොහුගේ වැඩිමහල් සහෝදරයා අවිවාහකව ඔවුන්ගේම නිවසේ වාසය කර ඇති බවයි අනාවරණය වී ඇත්තේ.
මියගිය පුද්ගලයාගේ බිරිඳ හා දියණියන් දෙදෙනා අද (19) උදෑසන නිවසින් බැහැරට ගිය අවස්ථාවේදීයි මෙම සිද්ධිය සිදු වී ඇත්තේ.