තලවකැලේ, ඩෙස්ෆෝඩ් ප්‍රදේශයේදී ලොරි රථයක් ප්‍රපාතයකට පෙරලීමෙන් පුද්ගලයෙක් ජීවිතක්ෂයට පත්ව තිබෙනවා.
අප වාර්තාකරු සඳහන් කළේ තලවකැලේ, කිරිමැටිය හරහා නුවරඑළිය මාර්ගයේ ධාවනය වූ ලොරි රථයක් ඩෙස්ෆෝඩ් ප්‍රදේශයේදී අඩි 200ක පමණ ප්‍රපාතයකට පෙරලීමෙන් මෙම අනතුර සිදුව ඇති බවයි.
මෙම අනතුරෙන් තවත් දෙදෙනෙකු තුවාල ලබා නුවරඑළිය දිස්ත්‍රික් මහ රෝහල වෙත ඇතුළත් කර තිබෙනවා.
නානුඔය පොලීසිය පැවසුවේ මෙලෙස ජීවිතක්ෂයට පත්ව ඇත්තේ නානුඔය, ඩෙස්ෆෝඩ් වත්තේ පදිංචිව සිටි 57 හැවිරිදි වඩමලෙයි මයිල්වාගනම් නැමැති අයෙකු බවයි.
මෙලෙස තුවාල ලබා ඇත්තේ ලොරි රථයේ රියදුරා සහ රිය සහායකවරයායි.