මීගොඩ ආර්ථික මධ්‍යස්ථානයේ වෙඩි තැබීම සහ එදිනම පූගොඩ ප්‍රදේශයේ සිදු කළ මංකොල්ලකෑමට අදාළව යතුරුපැදිය පැදවූ සැකකරු මහියංගනය ප්‍රදේශයේ සැගව සිටියදී අත්අඩංගුවට ගෙන තිබෙනවා.
විශේෂ කාර්ය බලකායේ මහඔය කඳවුරේ නිලධාරීන්ට ලද තොරතුරකට අනුව පෙරේදා (18) මහියංගණය පොලිස් වසමේ සේනානිගම ප්‍රාථමික විදුහල ඉදිරිපිටදී සිදු කළ වැටලීමකදීයි මොහු අත්අඩංගුවට ගෙන ඇත්තේ.
එහිදී පසුගිය 12 වැනිදා මීගොඩ ආර්ථික මධ්‍යස්ථානයේ සිදු වූ වෙඩි තැබීම සහ එදිනම පූගොඩ මංකොල්ලයට අදාළ යතුරුපැදිය පැදවූ පුද්ගලයා වන විජේසිංහ මුදියන්සේලාගේ දිනේෂ් අවිශ්ක යන පුද්ගලයා අත්අඩංගුවට ගෙන තිබෙනවා.
වැඩිදුර විමර්ශන කටයුතු සඳහා ඔහු මිරිහාන කොට්ඨාශ අපරාධ විමර්ශණ අංශය වෙත භාර දී ඇති බවයි පොලීසිය පැවසුවේ.