බදුල්ල නගර මධ්‍යයේ තිබී අද (22) පුද්ගලයෙකුගේ මළ සිරුරක් සොයාගෙන තිබෙනවා.
පොලීසිය සඳහන් කළේ අද උදෑසන පොලිස් හදිසි දුරකථන අංකයට ලද පණිවුඩයකට අනුව මෙම මළ සිරුර සොයාගත් බවයි.
බදුල්ල පහළ රජ වීදිය සහ බසාර් වීදියට ආසන්න මාර්ගය අසළ පදික වේදිකාවට ආසන්නයේදීයි මෙම මළ සිරුර හමුව තිබෙන්නේ.
බදුල්ල පොලීසිය පැවසුවේ මෙම පුද්ගලයාගේ වයස අවුරුදු 60ක් පමණ වන අතර අනන්‍යතාවය මෙතෙක් තහවුරු කරගෙන නොමැති බවයි.
සිද්ධිය සම්බන්ධයෙන් පොලීසිය වැඩිදුර විමර්ශන සිදුකරනු ලබයි.