ශ්‍රී පාද වන්දනාවේ පැමිණි කාන්තාවක් අතුරුදහන් වී තිබෙනවා.
මෙලෙස අතුරුදන් වී ඇත්තේ මැල්සිරිපුර ප්‍රදේශයේ පදිංචි 80 හැවිරිදි කාන්තාවකි.
මෙම කාන්තාව පසුගිය 23 වැනිදා වන්දනා නඩයක් සමඟ ශ්‍රී පාද වන්දනාවේ පැමිණ තිබෙනවා.
එම නඩය සමඟ අතුරුදහන් වී ඇති කාන්තාව ඉදිකටුපහන දක්වා ගමන් කර ඇති බවත් ඉන් අනතුරුව ඇය අතුරුදහන් වී ඇති බවත් වන්දනා නඩ්ය පවසනවා.
පවුලේ ඥාතීන් පවසන්නේ එදින ශ්‍රී පාද වන්දනාව සඳහා විශාල වන්දනාකරුවන් පිරිසක් පැමිණ සිටි බවත් ඒ හේතුවෙන් ශ්‍රී පාද උඩමළුව කරුණා කිරීමට දැඩි තදබදයක් පැවති බවත්ය.
එම අවස්ථාවේදීයි මෙම කාන්තාව අතුරුදහන් වී ඇත්තේ.
එම කාන්තාව පිළිබඳව තොරතුරු වෙතොත් 076-5484222 / 076-8933096 යන දුරකථන අංකයට දැනුම් දෙන ලෙස පවුලේ ඥාතින් ඉල්ලා සිටිනවා.