ධාවනය වෙමින් තිබූ බස් රථ දෙකකට මැදි වීමෙන් ත්‍රිරෝද රථ රියදුරෙක් අවාසනාවන්ත ලෙස ජීවිතක්ෂයට පත්ව තිබෙනවා.
පොලීසිය පැවසුවේ අද (29) උදෑසන දෙහිවල ගුවන් පාලම අසළදී ධාවනය වෙමින් පැවති බස් රථ දෙකකට මැදිව ගමන් කළ ත්‍රිරෝද රථයක් එම බස් රථ දෙකේ ඉදිරියේ හා පසුපස ගැටීමෙන් මෙම පුද්ගලයා ජීවිතක්ෂයට පත්ව ඇති බවයි.
ගල්කිස්ස සිට මට්ටක්කුලිය බලා ධාවනය වූ බස් රථයකට හා පානදුර සිට පිටකොටුව බලා ධාවනය වූ බස් රථ දෙකකට ත්‍රිරෝද රථ රියදුරු මැදි වී තිබෙනවා.
මෙලෙස මිය ගොස් ඇත්තේ, ගල්කිස්ස ප්‍රදේශයේ පදිංචි වයස අවුරුදු 56ක් වන එක්දරු පියෙක් බවයි අනාවරණය වී ඇත්තේ.
මෙම පුද්ගලයා සිය බිරිඳ රැකියාව සඳහා රැගෙන විත් දෙහිවල මංසන්ධියෙන් බස්වා ත්‍රිරෝද රථය ඉදිරියට ධාවනය කරමින් සිටින අවස්ථාවේදී මෙම අවාසනාවන්ත ඉරණමට මුහුණ පා තිබෙනවා.