වතුකරයේ ජීවත්වන ජනතාව ජාතික හැඳුනුම්පත් ලබා ගැනීමට යාමේදී මුහුණ දෙන ගැටලුවලට විසඳුම් ලබාදීමට ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් පියවර ගනිමින් සිටිනවා.
මේ සම්බන්ධයෙන් ඔහු පුද්ගලයින් ලියාපදිංචි කිරීමේ දෙපාර්තමේන්තුවේ කොමසාරිස් ප්‍රදීප් සපුතන්ත්‍රි වෙත හදිසි ලිපියක් ද යවා තිබේ.
උඩරට වතුකරයේ වෙසෙන ජනතාවට ජාතික හැඳුනුම්පත ලබා ගැනීම සඳහා ලිපි ලේඛන ඉදිරිපත් කිරීමේදී වතු කළමනාකාරීත්වයේ ලිපිය ඉදිරිපත් කිරීමට සිදුවන තත්ත්වයක් ද පවතිනවා.
මෙම ලේඛනය වතු කළමනාකාරීත්වයෙන් ලබාගැනීමට පේරුතොට ප්‍රදේශයේ ජනතාව විවිධ ගැටලුවලට මුහුණ පා සිටින බවට තරුණයින් රැසක් අමාත්‍යවරයාට දැනුම් දී තිබෙනවා.
අනෙකුත් ප්‍රජාවන් මෙන් එම ක්‍රියා පටිපාටිය ග්‍රාම සේවකවරුන් හරහා සිදු කරන ලෙසත්, ලේඛන නොමැති වන පරිදි යාන්ත්‍රණයක් සකස් කරන ලෙසත් ඉල්ලා අමාත්‍යවරයා විසින් ලියාපදිංචි දෙපාර්තමේන්තුවේ කොමසාරිස්වරයා වෙත ලිපියක් යොමු කර තිබෙනවා.