ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් සහ ශ්‍රී ලංකාවේ ඉන්දීය මහ කොමසාරිස් සන්තෝෂ් ජා අතර හමුවක් ඊයේ (29) සවස පැවැත්වුණා.
කොළඹ පිහිටි ඉන්දීය මහ කොමසාරිස් කාර්යාලයේදීයි මෙම හමුව පවත්වා ඇත්තේ.
ඉන්දීය රජයේ මූල්‍ය දායකත්වයෙන් වතුකරයේ සිදුකෙරෙන සංවර්ධන ව්‍යාපෘති සහ වත්මන් තත්ත්වය පිළිබඳව එහිදී සාකච්ඡා කර තිබෙනවා.
වතුකරයේ සංවර්ධන ව්‍යාපෘති සඳහා ඉන්දියාව ලබා දෙන දායකත්වය පිළිබඳව සිය කෘතඥතාව පළ කළ අමාත්‍යවරයා වතුකරයේ සිසුන්ට ඉන්දියාව ලබාදෙන ශිෂ්‍යත්ව වැඩසටහන් පිළිබඳව ද සිය කෘතඥතාව පළ කළේය.
එමෙන්ම ශ්‍රී ලංකාව සහ ඉන්දියාව අතර සබඳතාව වැඩිදියුණු කිරීම සඳහා කඳුකර ජනතාවගේ කාර්යභාරය පිළිබඳව ද සාකච්ඡා කර තිබෙනවා.