තලෙයිමන්නාරම ප්‍රදේශයේදී 10 හැවිරිදි දැරියක් ඝාතනය කිරීමේ සිද්ධිය සම්බන්ධයෙන් අත්අඩංගුවට ගත් පුද්ගලයා ලබන 07 වැනිදා දක්වා රක්ෂිත බන්ධනාගාර ගත කරන ලෙස මන්නාරම මහේස්ත්‍රාත්වරයා ඊයේ (29) නියෝග කළා.
තලෙයිමන්නාරම – ඌර්මානෙයි ප්‍රදේශයේදී 10 හැවිරිදි දැරියක් මියගොස් සිටියදී පසුගිය 16 වැනිදා පෙරවරුවේ සොයා ගැනුණා.
මෙම සිද්ධිය සම්බන්ධයෙන් එම ගම්මානයේ පොල් වත්තක සේවය කරන ත්‍රිකුණාමලය කුච්චවේලි ප්‍රදේශයේ පදිංචි 52 හැවිරිදි පුද්ගලයෙක් අත්අඩංගුවට ගනු ලැබුවා.
සැකකරු ඊයේ (29) මන්නාරම අධිකරණයට ඉදිරිපත් කළ අතර එහිදී විනිසුරුවරයා නියෝග කළේ සැකකරු ලබන 07 වැනිදා දක්වා රක්ෂිත බන්ධනාගාරගත කරන ලෙසයි.